Актриса, хонанда, дизайнер Шахзода Мухаммедова YouTube’даги «SBuzOfficial» лойиҳасига берган интервьюсида актёр Алишер Узоқов кинони соғинаётгани ҳақида гапирди.

У Алишер Узоқовнинг интервьюларини кузатиб боришини таъкидлади. Aктёр профессионал касби шу бўлгани учун ҳам кинони соғинаётганини айтди.

«Алишер Узоқовнинг интервьюларини кўп кузатдим. Бу инсон ҳақиқатдан ҳам соғиняпти. Ич-ичидан ролларини қумсаяпти. Балки бу инсоннинг ўқиган профессионал касби бўлгани учун шундай бўлаётган бўлиши мумкин. У мендан кўра анча туғма талант. Менинг касбларим кўп. Агар мен фақатгина актриса бўлганимда, Алишер аканинг ҳолатига тушган бўлардим. Алишер ака кино, театрда ишлаган. Унинг онаси ҳам профессионал актриса. Бу соҳада туғилгани учун ҳам Алишер акани юз фоиз тушунаман. Ҳақиқатдан ҳам, у инсон соғинётганини кўриб турибман», — дейди актриса.

Эслатиб ўтамиз, аввалроқ Шаҳзода Муҳаммедова кинодан кўнгли қолганининг сабабини айтганди. Шунингдек, Алишер Узоқов ва Адиз Ражабов нега киноларда роль ўйнамай қўйгани ҳақида гапирганди. Шу билан бирга, Алишер Узоқов роль ўйнай олмаётгани ва бунинг сабабини айтгани ҳақида хабар берилганди.