Хонанда, актриса Дилфуза Исмоилова YouTube’даги «Chotki TV» лойиҳасига берган интервьюсида яқин дугонаси «ухлатиб» кетгани ҳақида айтиб берди.

Унинг сўзларига кўра, Зулфия исмли дугонаси актрисанинг уйидан тилла тақинчоқлар, онасининг пенсиясини ва ўлимликка олиб қўйган пулини ҳам ўғирлаб кетган. Хонанда Малайзияга кетган пайти уни онасига овқат қилиб бериши, ғамхорлик қилиши учун уйига олиб келганини айтди. Бироқ дугонаси уни хонавайрон қилиб кетганини таъкидлади.

«Зулфия деган дугонам онамнинг ўлимлигига қилган пулигача, тилла тақинчоққача олиб кетган. Акаси бир йилгача узаман деганди, лекин ҳали бермади. Қизимга атаб қўйган катта-катта тилла тақинчоқларни олиб кетган. Мен уни қўли ширин, кетганимда онамга қарайди, овқатини қилиб беради деб олиб келсам, ўзимнинг дугонам хонавайрон қилиб кетди. Учта одамдан гумоним бор эди. Малайзиядан самолётда келётгандимда менга кимлигини билдир деб Худодан сўрадим. Гумон ёмонда барибир. Ўша куни келдим. Синглим ўғлингга зўр қиз топдим, юр кўриб келамиз деди. Совчиликка бордик. Дугонам менинг нарсаларимни айнан биз совчи бўлиб борган уйга сотган экан. Зулфия менинг нарсаларимни олиб чиқиб сотган. Унинг акаси бир йилда узаман деганди, лекин ҳали 1 доллар ҳам олганим йўқ. Онамнинг пенсиясини, ўлимлик учун олиб қўйган пулларини ҳам олиб кетган», — дейди хонанда.