Ўзбекистонда хизмат кўрсатган артист Гулчеҳра Саъдуллаева «Amirxon Umarov shousi» кўрсатувида турмуш ўртоғи Ўзбекистон халқ артисти Лутфулла Саъдуллаевдан бир марта калтак егани ҳақида айтиб берди.

Унинг сўзларига кўра, ўша пайти 17-18 ёш бўлган. Актриса қайнукалари ва овсини билан турли ўйинлар ўйнаганини айтди. Бир куни қор ёғганда, қайнукалари ва овсини билан чана учган. Ўша пайти Лутфулла Саъдуллаев келиб қолган ва актрисага бир шапалоқ тушурган. Гулчеҳра Саъдуллаева шу биринчи ва охирги марта еган калтаги бўлганини таъкидлади.

«Мен келин бўлганимда, 17-18 ёшли бола эдим. Туйғунжон билан ўртоқ эдик. Лутфулла ака ‘съёмка’дан, сафардан, ишдан келмайди. Чаққон эдим. Овқат қилардим, ҳовли супурардим. Энг яқин дўстим Туйғун эди. Катта овсиним Муяссар опа унинг расмини чизиб берарди. Ишларимни қилиб бўлганимдан кейин, қоронғу тушишини пойлаб ўтирардим. Қоронғуда ҳеч ким кўрмайди деб ўйлардим. Мен билан тенг аҳматли Бахтиёр деган қайнакам бўларди. Қор ёғган куни эди. ‘Kелинойи, уялманг. Сизни ҳеч ким танимайди’, деб мени ко;чага чана учишга олиб чиққан. Чанага ўтириб, қийқириб кетаётсам, Лутфулла ака кириб келди. Бу одам тилла. Лекин тилланинг ҳам бир ажойиб томони бўлади. Туйғунжон ҳам, Бахтиёр ҳам қочиб кетди. Мен бечора қолиб кетдим. Ўшанда биринчи ва охирги марта битта шапалоқ еганман», — дейди у.