Актриса Барчин Ғофурова YouTube’даги «Yashin Tv» лойиҳасига берган интервьюсида 9 йил гаплашган севганига нега турмушга чиқмаганини айтди.

Унинг сўзларига кўра, кейинчалик ўша инсоннинг асл юзини кўрган. Актриса ўзини ўнглаб олиш учун оила қурмаганини айтди. Шунингдек, Барчин Ғофурова 9 йил гаплашган бўлишига қарамай, севган инсони 1 ой ичида раққоса қизга уйланганини таъкидлади.

«9 йил гаплашган инсонимнинг ҳам асл юзини кўрдим. Вазият шундай бўлгани учун тўй қилмаганмиз. Иккаламиз ҳам институтда ўқирдик. Ўзимизни озроқ ўнглаб, оила бир-бирини тушунсин дейилган. Орада уруш-жанжал қилиб ажралганмиз. Кейин яна гаплашганмиз. Инсонларда ‘Нега мен эмас’ у деган нарса кучли. Шунинг учун эркак киши оиланинг устуни бўлиши керак. Мен унга суяна олишим керак. Энг муҳими алдамаслиги керак. 9 йил гаплашган бўлсам, бир ойга қолмай раққосага уйланиб кетган», — дейди у.