Актриса Баҳора Арслонова киноларда партнёри билан қўл ушлаб тушадиган саҳналарга эрининг муносабати қандай эканини айтди.

Унинг сўзларига кўра, турмуш ўртоғининг ишончидан чиқиб кетмаган. У томошабинга қўл ушлаб тушадиган саҳналарни кўрсатиб бериши кераклигини айтди. Бироқ партнёрининг қўлини ушлаганда ҳеч нимани ҳис қилмаслигини таъкидлади.

«Ҳар бир эркак рашк қилади. Агар у рашк қилмаса, даюс ҳисобланади. Турмуш ўртоғим, авваламбор, менга ишонади. Чунки ҳеч қачон ишончидан чиқиб кетмаганман. Синаган ва синовидан ўтганман. Кинода қўл ушлашиш саҳналари барибир бўлади. Бундан қочиб кетолмаймиз. Чунки биз халққа ўша саҳнани кўрсатиб беришимиз керак. Қўл ушлайдиган саҳналар бўлса ҳам, партнёрим билан биз бир-биримизни ҳис қилмаймиз», — дейди у.

Эслатиб ўтамиз, аввалроқ Баҳора Арслонова яна ҳомиладор эканини маълум қилгани ва актриса Юлдуз Ражабова билан тортишиб қолгани ҳақида хабар берилганди.