Актриса, хонанда Дилфуза Исмоилова Шерали Жўраевнинг ўғли Шоҳжаҳон Жўраев билан нега жанжаллашганини айтиб берди.

Унинг сўзларига кўра, бу жанжал пиар бўлмаган. Актриса ўзини фоҳиша деб пиар қилмаслигини, бу жуда хунук гап бўлганини айтди. Шунингдек, бу гаплар ҳали ҳам юрагида турганини таъкидлади.

«Шоҳжаҳон Жўраев билан жанжалимиз 100 фоиз ҳақиқат. Мен ўзимни фоҳиша деб пиар қилмайманку. Шу ҳам саволми? Бу жуда ёмон ҳақиқат бўлди. Дилозорликка кирди. Одам ўзига онам ким деб савол бериши керак. Кейин бировни гапириши керак. Мен санъаткорлар ўйнаб-кулиб пул топамиз. Қийинчилик билан топмайди. Худойим бизга ўйнаб-кулиб пул топадиган касб берди деганим учун шуни айтган. Биринчи ўзимнинг онам ким деб савол бериши керак. Нимага мен бировнинг онасини улуғ зот деб гапирдим дейиши керак. Биринчи уйига қараш керак онам ким бўлган, ҳозир ким деб. Ҳалигача юрагимда турибди. Бу хунук гап. Ўнта неварам бор. Бола-чақам катта бўлиб қолган», — дейди актриса.