Ижтимоий тармоқларда «Афандининг қизлари» деб танилган Нигора Абдуллахонова ҳамда Муборак Абдуллаева YouTube’даги «Yashin tv» лойиҳасига берган интервьюсида қандай танишгани ҳақида айтиб берди.

Нигора Абдуллахонова улар «Dugonalar shou»да танишганини айтди. Актриса «Афандининг қизлари» карантиндан депрессияда чиққани таъкидлади. Блогернинг сўзларига кўра, дастлаб роликларни ўзи учун олган.

«Мен ‘нормальнийʼ одам эдим. Мен шунчаки йўлакдан айланиб ўтиб кетаётгандим. Ўзи битта шоуда танишганмиз. Ундан кейин карантин бўлиб қолган. Ҳаммамиз карантиндан депрессияда чиқиб келганмиз. Бошида ўзимиз учун ролик олганмиз», — дейди Нигора Абдуллахонова.

Шунингдек, Муборак Абдуллаева бир жойнинг очилишига борганда, уларга қараганда блогерларга юқорироқ ҳурмат кўрсатилганини айтди. Шу сабабли, актриса ўз олдига уч ой ичида машҳур бўлиш мақсадини қўйганини таъкидлади. Блогернинг сўзларига кўра, улар бир кунда машҳур бўлган.

«Бир жойнинг очилишига борганмиз. У ерда актёр, актрисаларни унчалик ҳурмат қилиб кутиб олишмади. Блогерга чет эллик меҳмонга қилгандек муносабатда бўлишди. Жуда алам қилган. Уч ойда ҳаммани ‘вой-додʼ қилишга келишдик. Кейин бир кунда шундай натижа бўлди», — дейди Муборак Абдуллаева.