Янгиликлар
Севара Солиева нима сабабдан Тошкент кинофестивалига бормаганини айтди
Шунингдек, бундан хафа эканини таъкидлаган
Актриса, бошловчи Севара Солиева Тошкентда ўтказилган Халқаро кинофестивалга чақилмаганидан хафа эканини айтди.
Унинг таъкидлашича, кинофестивалга чақирилмаганининг сабабини билмайди. Актриса бирнеча йилдан бери ижод қилаётган санъаткорлар ҳам фестивалга чақирилмаганини таъкидлади.
«Чақиришмагандан кейин қандай кўраман? Таклиф қилишмади. Чақиришмагандан кейин санъатдан узоқлашиб шундай юрганим яхши дер экан одам. Мен рўмолимни деб ўйладим. Лекин бу баҳона бўла олмайди. Чунки ҳижобли аёллар ҳам кўп эди. Нимага эканини аниқ билмайман. Балки бизда ташкилотчилар яхши ишламас. Мен бундан анча хафаман. Бизда кўп йилдан бери ижод қиладиган санъаткорлар бор. Шуларни ҳам чақиришмаган. Ҳеч бўлмаса уларнинг ҳурматини қилишса бўларди», — дейди актриса.
Эслатиб ўтамиз, аввалроқ актёр Алишер Узов ҳам мазкур фестевалга таклиф қилинмагани учун ташкилотчиларда ҳафа эканини айтганди. Шундан сўнг инстаблогер Озод Ҳуррамов унинг таклиф қилинмагани сабабини маълум қилган.
