Янгиликлар

Java «Дунё сени тоғангмас» қўшиғини ўғирлагани ростми?

Shoubiz.uz хонанда билан боғланиб, миш-мишларга аниқлик киритди

Java «Дунё сени тоғангмас» қўшиғини ўғирлагани ростми?

Хонанда Java тахаллусу билан танилган Жавоҳир «Дунё сени тоғангмас» қўшиғини ўғирлагани, муаллиф ҳуқуқини бузгани учун тарона барча платформалардан ўчирилгани ҳақида хабарлар тарқалди. «Shoubiz.uz» мазкур хабарларга изоҳ олиш учун хонанда билан боғланди.

Жаванинг «Shoubiz.uz»га берган интервьюсига кўра, бу каби миш-мишларнинг барчаси ёлғон. У қўшиқ матни ўзига тегишли эканини таъкидлади. Шунингдек, мусиқаси украиналик йигитга тегишли бўлиб, бу учун пул тўлаганини ҳам айтиб ўтди.

Эслатиб ўтамиз, аввалроқ Java ҳитга айланган «Дунё сени тоғангмас» қўшиғига изоҳ берганди. Унинг таъкидлашича, «Дунё сенинг тоғангмас» ибратли қўшиқ. Уни эътибор бериб тинглаш керак. Қўшиқни бошидан охиригача тушуниб эшитиш керак. Хонанда ҳар бир қўшиқни ёзишда бир хил ёндашади. Жавоҳир Абдухолиқов қайси тарона тингловчиларга ёқишини олдиндан билолмайди. Бу қўшиқ у ижодни бошлагандан бери тўртинчиси.

«Бу аслида ибратли қўшиқ. Уни яхшилаб эшитиш керак. Бекорга ‘Ётиб олиб тингла’ демаганман. Бошидан охиригача тушуниб эшитса, маъноли қўшиқ. Тўғри бошқача эшитилиши мумкин лекин ўйлаб ёзилган тарона. Ҳар бир қўшиқни ёзишга бир хил ёндашаман. Қайси қўшиқ тингловчиларга ёқишини олдиндан билиб бўлмайди. Бу ижодни бошлаганимдан кейинги 4-тарона», — дейди Жавоҳир Абдухолиқов.

Шунингдек, хонанда ниқобда юришининг сабабини айтган. Хонанданинг сўзларига кўра, бу пиар ёки имиж эмас. Унинг ўзига яраша сабаби бор бироқ Java бу сирни ҳозирча ошкор қилолмайди. Жавоҳир Абдухолиқовнинг таъкидлашича, ҳозир нега ниқобда юришини айтмаслигининг ҳам сабаб бор. Хонанда буни ўйинқаролик ёки қизиқувчанликдан қилмайди. Бу соғлиққа ҳам боғлиқ.

«Бу пиар ҳам, ниқоб ҳам, имиж ҳам эмас. Бунинг ўзига яраша сабаби бор лекин уни айтолмайман. Уни айтиш мен учун қийин. Балки вақти келиб билишингиз мумкин. Ҳозир айтолмайман. Бу қийин. Ҳозир айтолмаслигимнинг ҳам сабаби бор. Бу ўйинқаролик ёки қизиқувчанликдан қилинган нарса эмас. Бу соғлиққа ҳам боғлиқ», — дейди у.