Турк актёри Бурак Ўзчивит «Усмон» сериалининг суратга олиш жараёнида сериал режиссёри ва яна уч ҳодимни ҳақорат қилгани учун унга 3 ойдан 4 йилгача озодликдан маҳрум этиш жазоси берилиши ҳақида хабарлар тарқалган эди. Актёр илк бор бўлиб ўтган воқеалар ҳақида гапирди ва у ҳақида тарқалган маълумотларга муносабат билдирди.

Маҳаллий нашрларнинг берган хабарларига кўра, актёрнинг ҳамкасблари ушбу ҳолат юзасидан судга мурожаат қилган. Агар бу ҳолат содир этилган бўлса Бурак Ўзчивитга 3 ойдан 4 йилгача озодликдан маҳрум қилиш жазoси тайинланиши керак эди. Бир неча воқеа гувоҳларининг айтишича, у ҳақиқатдан ҳам ҳамкасбларига нисбатан қўпол муносабатда бўлган ва уларни ҳақорат қилган.

 

Посмотреть эту публикацию в Instagram

 

Публикация от Burak Özçivit (@burakozcivit)

Бурак Ўзчивит  сериалнинг суратга олиш жараёнида уч кун кетма-кет отдан йиқилиб тушган, буинг сабаби эса ҳодимлар хавфсизлик чораларини етарли даражада текширмаган. Қилич ишлатиши керак бўлган саҳна жараёнларида ҳам у бир неча бор жароҳат олган. Бу ҳолат бўйича актёр режиссёрга мурожаат қилади ва ўртада жанжал юзага келади.

Актёр бу воқеаларнинг ёлғонлигини, уни яхши биладиган инсонлар бу миш-мишларга ишонмаслигини, бировни ҳақорат қилмайдиган инсон эканини айтган.

«Мени яхши биладиган ҳар бир киши бу ёлғонларга ишонмайди, мен бировни ҳақорат қилмайман, бу хабарларнинг ҳаммаси ёлғон», — дейди актёр у ҳақида тарқалган миш-мишларга жавобан.

 

Посмотреть эту публикацию в Instagram

 

Публикация от Burak Özçivit (@burakozcivit)

Аввалроқ Бурак Ўзчивитнинг тўрт йилга қамалиши мумкинлиги ҳақида хабар берилган эди.