Янгиликлар

Бўстонлиқда халқаро миллий таомлар фестивали бўлиб ўтади

Мазкур фестивалда 6000 дан ортиқ меҳмонлар иштирок этиши кутилмоқда

Бўстонлиқда халқаро миллий таомлар фестивали бўлиб ўтади

Тошкент вилоятининг Бўстонлиқ туманида 2022 йил 11 август куни  «Welcome to Bustanlik» халқаро миллий таомлар фестивали бўлиб ўтади.

Тадбир Туризм ва маданий мерос вазирлиги ҳамда Тошкент вилояти ҳокимлиги билан ҳамкорликда ташкил этилди. Шунингдек, фестивалда «Миллий ПР-маркази» ДУК, Тошкент вилояти Туризм ва маданий мерос бошқармаси Мудофаа вазирлиги, Ички ишлар вазирлиги, Соғлиқни сақлаш вазирликлари кўмагида, «Амирсой» дам олиш маскани ва бошқа ташкилотлар ҳам иштирок этмоқда. Мазкур фестивалда 6000 дан ортиқ меҳмонлар, жумладан, Қозоғистон, Қирғизистон, Россия, Беларус ва МДҲнинг бошқа давлатларидан 1000 дан ортиқ вакиллар иштирок этиши кутилмоқда. Улар орасида етакчи ошпазлар, реставраторлар, умумий овқатланиш корхоналарининг бошқарув ходимлари ва бошқалар бор.

Фестивал доирасида танловлар, миллий ва хорижий таомларни тайёрлаш бўйича маҳорат дарслари, мусиқий жамоаларнинг чиқишлари ва ҳ.к. кутилмоқда. Ушбу ташаббус Тошкент вилоятида гастрономик ва туризмнинг бошқа турларини ривожлантиришда муҳим аҳамият касб этади. Тадбирнинг асосий мақсади Ўзбекистонда гастрономик туризмни ривожлантириш ва оммалаштириш, шунингдек:

  • мамлакатлар ўртасида туризм соҳасидаги ҳамкорликни, ўзаро ишонч, ҳамжиҳатлик ва яхши қўшничилик алоқаларини мустаҳкамлаш;
  • тинчлик ва хавфсизликни сақлаш, табиий обектларни асраб-авайлаш ва сақлаш;
  • Ўзбекистоннинг туризм салоҳиятини тарғиб қилиш.

Тадбирга кириш бепул.

Тадбирда иштирок этиш учун ҳавола орқали рўйхатдан ўтиш керак. Тадбирга ташриф буюрувчиларни 10 августгача рўйхатга олинади.

Манзил: Амирсой Ресорт автомобил тўхташ майдончаси
Вақти: 11-август, 10:00 дан 22:00.