Ўзбек томошабинларига «Эшигимни сен қоқ» сериали орқали таниш бўлган Карим Бюрсин ва Ҳанде Эрчел жуфтлиги 2021 йилнинг баҳорида турмуш қуриши ва кейинчалик уларнинг ажрашиб кетгани ҳақида миш-мишлар тарқалган эди. Бу миш-мишларга актриса Ҳанде Эрчел муносабат билдирди.

Жуфтлик тўйи бўлишини эълон қилгандан сўнг жуда кўп маҳаллий оммавий ахборот воситалари уларнинг ҳаётини кузатиб борди. Бироқ номаълум сабабларга кўра уларнинг ажрашиб кетгани ҳақидаги хабарлар кўпчиликнинг эътиборига тушди. Карим Бюрсин маҳаллий нашрларнинг бирига берган интервьюсида уларнинг муносабатлари аллақачон тугаганини ва ҳозир умуман уйланиш ҳақида ўйламаётгани ҳақида гапирган. Шундан сўнг жуфтлик ўртасидаги муносабатлар ҳақида турли хил мақолалар босилиб чиққан.

Туркия телеканалининг журналисти Ҳанде Эрчелдан Карим Бюрсин билан муносабатлари қандай эканини сўрайди ва актриса у билан ажрашиб кетмаганини, чунки уларнинг ўртасида ҳеч қандай муносабат бўлмаганини билдирган.

«Йўқ, мен Карим Бюрсин билан ажрашмадим, чунки бизни ажратадиган муносабатнинг ўзи йўқ эди. Бу ҳақида бошқа гапиришни истамайман» ,— дейди актриса Ҳанде Эрчел.