Хонанда, актриса Лола Аҳмедова «Соғиндимда» қўшиғига ишланган клипни тақдим этди.

Клипда воқеалар кетма-кетлиги бўлмайди. Унда фақат хонанданиг ўзи куйлаган. Қўшиқ матни Баҳодир Низомовга тегишли. Клип продюсери ва режиссёри Нажот Агзамов. Премьера Лола Аҳмедованинг YouTube’даги расмий саҳифасида эълон қилинди.

Маълумот учун, Лола Аҳмедова 1983 йил 2 июлда Сурхандарё вилоятининг Денов туманида санъаткорлар оиласида таваллуд топган. Мактаб тадбирларида қўшиқ куйлаб юрган Лола мактабдан битириб маданият коллежини, сўнг Ўзбекистон Давлат консерваториясини тамомлади. 100 дан ортиқ қўшиқларни ижро этган хонанда 4 та альбомини тақдим этган. 2004 йилда бўлиб ўтган «Азиз она юртим наволари» кўрик танловида биринчи ўринни эгаллаган. 2006 йил эса «Ниҳол» мукофоти қўлга киритган. Лола 2010 йил Ўзбекистонда хизмат кўрсатган артист унвонига сазовор бўлган. Қўшиқ куйлаш билангина чекланиб қолмаган Лола 2004 йил режиссёр Ахад Фармоновнинг «Муҳаббатимсан» фильмида бош ролни, Раъно образини ижро этди.