Актриса, хонанда, бошловчи Ҳуснора Шодиева ўз Instagram саҳифасида Туркияда Тошкентга учадиган самолётдан қолиб кетгани ҳақида хабар берди.

Ҳуснора 23 октябрь куни дугоналари Назокат Рашидова ва Диёра Абдуллаева билан Туркияга кетганди. Улар Назокат Рашидованинг туғилган кунини нишонлаш учун саёҳатга чиққан. Актрисанинг сўзларига кўра, бугун учадиган рейс билан Тошкентга қайтиши керак эди. Бироқ у самолётга улгурмаганини айтди.

 

Посмотреть эту публикацию в Instagram

 

Публикация от Хуснора Шадиева (Хосэ) (@khusnorik)

Шунингдек, Ҳуснора Шодиева ҳозирча Туркияда дугоналари билан бўлишини таъкидалди.

«Ҳаммага ассалому алейкум. Мен ҳозир Тошкентга учадиган самолётда бўлишим керак эди. Лекин самолётим менсиз учиб кетди. Мен ‘Калмара ўйиниʼ каби югурдим. Бу жуда оғир эди. Йиғладим. Аммо кейин вазиятни қандай бўлса, шундай деб қабул қилдим. Шундай бўлиши керак экан. Мен ҳали ҳам Истанбулман. Худо хоҳласа тез орада уйга бораман. Мен уйга боришни жуда хоҳлардим. Ўғлимни соғиндим. Шунинг учун насиба бўлиши керак дейишади. Ҳозир меҳмонхонада қизлар менсиз қолган. Назокат Рашидова билан мана шундай хайрлашгандим. Энди яна уларнинг олдига қайтаман. Мен ҳеч қачон йўлда бунчалик кўп пул сарфламаганман», — дейди актриса.

Эслатиб ўтамиз, аввалроқ Ҳуснора Шодиева бинафшаранг киприк эктиргани ҳақида маълум қилинганди. Унинг ўзи бу ҳолатга «жуда кулгили кўринади, аммо менга ёқяпти», дея изоҳ берган. Шунингдек, актриса бинафшаранг киприк унинг орзуси бўлганини таъкидлаган.