Янги талқиндаги «Уйда ёлғиз»дан «Матрица»гача: 2021 йилнинг энг ёмон фильмлари маълум қилинди

Томошабинлар эътирофига сазовор бўлмаган, суратга олинишига катта маблағ кетган ва молиявий жиҳатдан бюджети қопланмаган, яъни муваффаққиятсизликка учраган 2021 йилнинг энг ёмон фильмлари рўйхати эълон қилинди.

«Уйда ёлғиз» фильмининг янги талқини

АҚШ кино ижодкорлари томонидан суратга олинган, 1990 йилда катта экранларда намойиш этилган ва Янги йил байрамининг рамзига айланган «Уйда ёлғиз» фильмнинг янги қисми 2021 йил баҳорида суратга олинди. Маълумотларга кўра, мазкур фильм «Home Sweet Home Alone» номи остида ноябрь ойининг ўрталарида «Disney+» стриминг сервисида намойиш этилди. Фильм сюжетида Янги йил арафасидаги қизиқарли воқеалар такрорланади. Янги қисмда бош қаҳрамоннинг исми Кевин эмас, Макс, унинг оиласи Чикагога эмас, Японияга кетади. Бу сафар бош қаҳрамонни ўғрилар эмас, авантюристлар (бойлик учун ҳеч нарсадан таб тортмайдиган жиноятчилар) таъқиб қилади. Кинокартинада бош рольни британииялик 12 ёшли актёр Арчи Ейтс ижро этган. Киноижодкорлар фильмнинг янги қисмини муваффаққиятли бўлишини тахмин қилган, бироқ у намойиш этилгандан сўнг молиявий жиҳатдан кетган маблағни қопламаган ва шу билан биргаликда томошабинларнинг салбий фикрларига сабаб бўлган.

«Қизил огоҳлантириш» фильми

«Netflix»нинг омадсиз деб топилган кинофильмларидан бири ноябрь ойида катта экранларда намойиш этилган, бироқ молиявий жиҳатдан инқирозга сабаб бўлган «Қизил огоҳлантириш» фильми йилнинг энг ёмон фильмлари қаторига кирди. Томошабинлар томонидан ҳам салбий изоҳлар олган фильмда бош ролларни Голливуднинг таниқли актёрлари Дуэйн Жонсон, Раян Рейнолдс ва актриса Гал Гадот ижро этган. Фильмга 200 милллион долларга яқин маблағ сарфланган, аммо у «Netflix»да ҳам бунча фойда келтирмаган.

«Космик мураббо: Янги авлод» кинокартинаси

Голливуднинг таниқли режиссёри Жо Питка томонидан суратга олинган «Космик мураббо» анимацион-комедик кинофильми 1996 йилда суратга олинган ва у киноижодкорларга катта муваффаққият олиб келган. Фильм баскетболчи Майкл Жорданнинг ғаройиб саргузаштлари ҳақида ҳикоя қилади. Кинокартинанинг 2021 йилда ишланган янги «Космик мураббо: Янги авлод» фильми баскетбол ўйинининг супер юлдузи Ле Бронь Жеймс ҳақида. Маълум бўлишича, фильмнинг янги қисм ссенерийси томошабинларни қониқтирмаган.

«Том ва Jerry» кинокартинаси

Йилнинг яна бир омадсиз деб топилган лойиҳаларидан бири машҳур анимацион-сериал «Tom va Jerry» мотиви асосида яратилган «Тom va Jerry» кинокартинасидир. Фильм 2021 йилнинг февраль ойида катта экранларга чиқди ва жуда кўп томошабинларнинг салбий фикрларига сабабчи бўлди.

«Матрица: Тирилиш» кинофильми

«Матрица» фильмининг янги «Матрица: Тирилиш» кинофильми 2021 йил декабрь ойида катта экранларда намойиш этилди. Унинг биринчи қисми 1999 йилда суратга олинган . Фильмда бош қаҳрамон Нео ролини Голливуднинг машҳур актёрларидан бири Киану Ривз ижро этган. Ушбу фильмга 148 миллион миқдорида маблағ сарфланган, бироқ у бюджетга кетган пулни кутилган муддатда тўпламади.