Ҳиндистоннинг машҳур «Уч савдойи» киносидаги «Вирус» роли билан танилган актёр Боман Ирани Ўзбекистонга келади.

Кинематография агентлиги ахброт хизматининг маълум қилишича, «Ипак йўли дурдонаси» Тошкент Халқаро Кинофестивалига турк актёрларидан ташқари Болливуд юлдузлари ҳам ташриф буюради. Болливуд юлдузлари кинофестиваль доирасида Тошкент, Самарқанд ва Андижон шаҳарларида ўтадиган ҳинд киноси кунларида қатнашишади. «Уч савдойи» фильмидаги «Вирус» роли билан машҳур бўлган ҳинд актёри Боман Ирани кинофестивалда иштирок этади.

Шунингдек фестиваль доирасида улар билан мастер-класслар, кино мухлислар билан ёрқин учрашувлар ўтказиш режалаштирилган.