Миллионлаб томошабинларнинг қалбини забт этган «Ўргимчак одам: уйга йўл йўқ» фильмидан тушган даромад миқдори ҳақида маълумот берилди.

«Marvel» компаниясининг энг кўп фойда келтирган «Ўргимчак одам» кино лойиҳасининг навбатдаги янги «Ўргимчак одам: уйга йўл йўқ» фильми 2021 йилнинг баҳорида суратга олинди. Фильмининг премьераси эса 2021 йилнинг 15 декабрида бўлиб ўтди ва шу кундан бошлаб катта экранларда намойиш этила бошлади. Агар фильм пандемия даврида намойиш этилса ҳам кутилган натижадан анча кўпроқ даромадни тўплаши тахмин қилинган ва унинг умумий қиймати 200 миллион долларга баҳоланган эди.

Фильм АҚШда намойиш этилгандан сўнг бир ҳафтада 260 миллион доллар фойда келтирди. Бу эса «Қаҳрамонлар: финал» фильмидан кейинги энг юқори натижа ҳисобланади. Дунё бўйлаб келган фойда миқдори эса ўйлангандан рекорд даражда кўп, яъни 600 миллион долларни ташкил этди. Фильм 2021 йилнинг 22 декабргача ҳолатига кўра умумий 750 миллион долларлик (шу маблағдан 328 миллион доллари АҚШдан тушган маблағ) натижани қайд этди ва 2019 йилдан буён энг кўп фойда келтирган Голливуд фильми деб топилди. Бироқ, бу фильмга рақобатчи бўлган «Ўлим вақти эмас» фильмининг тахминий фойдаси 774 миллион долларга тенг бўлади деб тахмин қилинмоқда.

Маълумот учун, жаҳон кино оламида энг юқори фойда келтирган фильм Хитой кино ижодкорлари томонидан суратга олинган «Чангжин кўли жанги» кинофильми ҳисобланади ва у умумий 902 миллион доллар даромад келтирган. Бироқ, «Ўргимчак одам: уйга йўл йўқ» фильмининг умумий даромади йил охирига қадар 1 миллиард доллардан ошиши кутилмоқда. Айнан Хитойда фильм 200 миллион доллар миқдорида фойда келтирган.

Аввалроқ «Ўргимчак одам: уйга йўл йўқ» фильмидан қанча фойда кутилаётгани ҳақида хабар берилган эди.