Актёр, модель Jhon Маликов YouTube’даги «Online King» лойиҳасига берган интервьюсида моделлик соҳасидан ойига қанча даромад топганини айтди.

Унинг сўзларига кўра, бу соҳага лицейда 2 курсда ўқиётган пайтида кириб келган. Актёрга моделликни дўсти тавсия қилган. Кейин у ўз расмини 5 та агентликка тарқатиб чиққан. Унга биттасидан жавоб келган. Шунингдек, эркин модель ойига ўртача 400-500 доллар даромад топишини айтди. Жаҳонгир Абдумаликов энг танилган пайти 1300 доллар маблағ топганини таъкидлади.

«Бу соҳага лицейда 2 курсда ўқиётган пайтимда кирганман. Ўша пайти иш керак бўлган. Бир ўртоғимнинг ҳаракат қилиб кўр деган. Қарз олиб, портфолио қилдирганман. Кейин расмга тушиб, 5 та агентликка тарқатиб чиққанман. Биттаси чақирган. У соҳада ҳар бир ‘съёмка’дан пул оласиз. Ҳозирги кунда эркин модель ўртача 400-500 доллар топади. Энг чўққига чиққанимда, ойига 1300 доллар топганман», — дейди актёр.