Комедия, драма ва саргузашт: 2021 йилнинг энг яхши мультфильмлари эълон қилинди

Қуёшли Италияга саёҳат қилиш, ажойиб денгиз ҳайвонлари билан бирга вақт ўтказиш ва ёввойи аждарҳо билан тил топишиш… Бу каби воқеалар 2021 йилнинг энг яхши мультфильмларида содир бўлади.

«Рая ва сўнгги аждарҳо»

Йилнинг энг яхши мултфильмлари қаторига кирган «Рая ва сўнгги аждарҳо» мультифильми 2021 йилнинг март ойида катта экранларга чиққан. Ушбу мультфильмда бир нечта фантастика, комедия, драма ва саргузашт каби жанрларни учратиш мумкин. Унинг давомийлиги 107 дақиқадан иборат. «Рая ва сўнгги аждарҳо» мультфильми ўйланган фойдадан анча кўпроқ даромад келтирган.

«Ёмон Рон»

АҚШ ва Буюк Британия анимацион ижодкорлари томонидан ишланган «Ёмон Рон» мультфильми 2021 йилнинг октябрь ойидан бошлаб экранларда намойиш этилган. Мультфильм воқеалари яқин келажакда содир бўладиган технологиялар ўзгариши ва роботлар ҳақида. Ундаги бош қаҳрамоннинг ҳеч қандай гажетлари йўқ, чунки у оддий оилада яшайди. Атрофдаги дўстлари эса ҳаётини замонавий технологияларсиз тасаввур эта олмайди. Мультфильм кўплаб томошабинларнинг ижобий изоҳларига сабаб бўлган.

«Энканто»

«Энкато» мультфильми Колумбия мультижодкорлари томонидан яратилган бир неча жанрли мультфильм ҳисобланади. Ушбу мультфильмнинг давомийлиги 102 дақиқани ташкил қилади. Кўплаб ижобий муносабатларга сабаб бўлган мультфильм ноябрь ойидан катта экранларда намойиш этилган.

«Сеҳрли аждарҳо»

Хитой ва АҚШ ҳамкорлигида ишланган «Сеҳрли аждарҳо» мультфильми 2021 йилнинг июнь ойидан бошлаб намойиш этилган. «Сеҳрли аждарҳо» «Netflix» да энг кўп кўрилган мультфильмлар рўйхатига киритилган. Унинг давомийлиги 99 дақиқани ташкил этади. Мультфильм қаҳрамонлари сеҳрли аждарҳони излаб, турли хил саргузаштларга дуч келади.

«Мусиқачи 2»

«Мусиқачи 2» мультфильмининг биринчи қисми 2016 йилда намойиш этилган. Унинг биринчи қисми кўплаб салбий муҳокамаларга сабаб бўлган, бироқ йилнинг энг яхши мультфильмлар қаторига киритилган эди. Мультфильмнинг янги қисми ҳам намойиш этилгандан кейин кўплаб томошабинларнинг эътиборига тушди. Сабаби у мавзу жиҳатидан Голливуд киноларига тенглаша олади. Мультфильмнинг давомийлиги 110 дақиқадан иборат.