Актриса Паризода Бўрихўжаева «O’zim» кўрсатувига берган интервьюсида бир неч йил олдин оғир касалликка чалингани ҳақида гапириб берди.

Унинг сўзларига кўра, йигирма беш ёшида касал бўлган. Шифокорлар унга бу дарднинг давоси йўқлигини айтган. Лекин у яқинларининг ёрдами ва ўзининг кучи билан касалликни енгиб ўтган.

«Қийинчиликлар ҳаммада бўлади. Менда ҳам бўлган. Тахминан йигирма беш ёшларимда, турмушга чиққанимдан бир неча йилдан кейин. Соғлигим билан муаммолар бўлган. Бу ҳаётимни жуда қаттиқ ўзгартирган. Ўша пайти шифокорлар йўқ сиз тузалиб кетмайсиз, бу нарса тузалмайдиган касал дейишган эди. Бу муаммо нафақат мен учун берилган эди. Бутун оилам учун берилган. Чунки ким қандай эканлигини, менга муносабати қандай ҳаммасини кўрсатиш учун берилган. Чунки хўжайинимни, оиламнименга қандай муносабатда эканлигини биламан. Лекин бу пайт ичида ҳаммани юзи очилди. Ким қандай эканлиги, мени қандай яхши кўриб, қандай эъзозлаши билинди. Отамнинг битта тўғри гаплари борда. Синов ҳам одамнинг кучига қараб берилади. Кучли одамга кучли синов берилади. Кучи камроқ одамга енгилроқ. Шунинг учун, мен Худога шукур дейман. Ўзи мен қўрқоқ одамман. Баландликдан, тезлик қўрқаман. Лекин ўша пайтда ичимдан девдай куч топганманда. Мен тузалиб кетаман. Ҳаммаси шундай яхши бўлади. Ҳаёлимда қизимнинг тўйи, фарзандли бўлишим. Ҳаммаси кўзимни олдида турар эди. Мен бу нарсадан хўжайиним билан бирга ўтганмиз. Эсласам кўзимга ёш келади. Ёнимдаги яқинларимга, хўжайинимга жуда катта миннатдорчилик билдираман. Чунки бу нарсани енгиб ўтишда ўзимнинг кучим эмас, ҳаммани кучи кетдида. Ўша пайтдаги орзум битта эди, яна фарзандли бўлиш. Чунки мен бешта фарзандни орзу қилганман. Худога шукур, мана орзуларимга кўпроғи билан эришиб турибман. Катта фарзандим ўн уч ёш. Катта ўғлим олти ёш. Яқинда мактабга боради. Кичкина ўғлим беш ёш. Ҳозирги мунда албатта бахтлиман. Фарзандларим ёнимда, оилам бутун. Ёшлигизда кичкина орзунгиз бўлса ҳам, ҳозир ўттиз беш ёш бўлсам ҳам, шунга эришишга ҳаракат қиламан», — дейди актриса.