Хонанда Улуғбек Раҳматуллаев Instagram саҳифасига АҚШдаги ногирон мухлисасига совға бергани акс этган видео жойлади.

У қизнинг исми Маржона. Хонанда Маржона анча йиллардан буён унга хат ёзиб, қўллаб-қувватлаганини айтди. Улуғбек Раҳматуллаев мухлисасининг кўзидаги қувонч ёшларини кўриб, ўзи ҳам йиғлаб юборганини таъкидлади.

«Аллоҳга шукур, бугун жуда ҳам зўр кун бўлди. Концертларку шукур ҳаммаси зўр бўляпти, гап йўқ ҳаммага катта раҳмат. Лекин айтмоқчи бўлганим бу эмас. Менга бир неча йиллардан буён хатлар ёзиб, дуолар қилиб, қўллаб-қувватлаган мухлисам Маржонахон синглимни дийдор кўрдим, суҳбатлашдим. Кўзларидаги қувонч ёшини кўриб менинг ҳам кўзимдан ёш оқди. Биласизми санъаткорлар орасида энг бахтлиси менман тўғриси. Сабаби мени қўллаб-қувватлайдиган Маржонадек мухлисларим бор. Бугун уни туғилган куни экан. Бу ҳам бир Аллоҳнинг иноятидир. У мени концертимга келиб бизни хурсанд қилган бўлса, биз ҳам унга совғалар бердик ва кўнглимиз ёришди. Барча келганларга ҳам катта раҳмат. Биз эса Нью- Йоркга кетдик. Мени Америкадаги концертимда қўллаб-қувватлаётган ҳомийларга ва кўплаб бошқа дўстларимга ҳам катта раҳмат», — дейди хонанда.

Эслатиб ўтамиз, аввалроқ Улуғбек Раҳматуллаев Нью-Йоркдаги ўзбекистонликлар уйида меҳмон бўлганди. Шунингдек, хонанда «Қирмизи олма» қўшиғининг ўғирланмагани айтганди.