Инстаблогер, актриса Муборак Абдуллаева ижтимоий тармоқлардаги саҳифасига жойлаб борадиган видеоларига устози Эркин Комиловнинг муносабати қандай эканини ҳақида гапирди.

Унинг сўзларига кўра, 7 синфлигидан Эркин Комиловга шогирдликка тушган. Актриса ўша пайтлари устозининг ҳар бир гапига тушунмаганини, ҳозир эса ҳаммасини анализ қила олганини айтди. Шунингдек, инстаблогер устози Эркин Комилов ролларидан хурсандлигини айтганини таъкидлади.

«Ўзбек кинонинг эски биноси бўларди. Ўша ерда устоз дарс ўтарди. У ерда ҳар хил ёшдаги ўқувчилар ўқирди. Мен 7 синф эдим. Коллежга боргунимгача, устозда ўқиганман. Ўша пайти айтган гапларини тушунмаганман. Ҳозир анализ қилсам, ҳар бир гапи тўғри экан. Эркин Комилов билан муносабатларимиз яхши. Устозни аёли Маҳбуба опа ‘Тез қўнғироқ қил. Устозингнинг муҳим гапи бор эканʼ деди. Устоз қандай қабул қиларкан? Нима дер экан? Йиғиштир бу ишингни десачи деб жуда қўрққанман. Кейин телефон қилдим. Умуман бошқача қабул қилди. ‘Сен нима қилиб юрибсанʼ, деди. Ролларимни кўриб яхши фикрда бўлди. Бачканалик йўқ деди. Шундай ижод қилаётганимдан хурсанд бўлди», — дейди у.