Актёр, модель Жон Маликов «Мендирман Жалолиддин» сериалига қандай кастингдан ўтгани ҳақида гапириб берди.

Унинг сўзларига кўра, кастингга чақирилишига совутда тушган сурати сабаб бўлган. Кастингда ўзидан юқори поғонада турадиган 50 дан ортиқ актёрлар ҳам қатнашган. Шу сабабли у синовдан ўтишига ишонмаганини таъкидлади.

«Менинг битта расмим сабабчи бўлган экан. Буни менга кейин айтди. Кастингга борганимда 50 дан ортиқ актёрлар бор эди. Уларнинг ичида энг ёши мен эдим. Қолган ҳаммаси юқори даражадаги актёр эди. Тўғрисини айтсам, ўтаман деб ўйламаганман. Ичкарига кирганимда, Озодбек Назарбеков, Меҳмет Бўздағ ва бошқа продюсерлар ўтирганди. Нимага эришганим, нималар қила олишим ҳақида сўраган. Ўзим ҳақимда айтганман. Кейин турк тилидаги матн берган. Ундан кейинги кастингга кеч қолиб борганман. ‘Майли видеога олиб, уни жўнатамиз’, деди. Бир ҳафтадан кейин қўнғироқ қилиб, ‘Ўтдингиз. Яна 5 кунлик кастинг бор’, деган», — дейди актёр.