Ўзбекистонда хизмат кўрсатган артист Равшан Комилов уни халққа танитган бастакор ҳақида гапирди.

Унинг сўзларига кўра, Султонлали Раҳматов билан анчадан бери бирга ижод қилади. Бастакорнинг ўзига яраша дунёқараши борлигини таъкидлади.

«Қанча гапирсам шунча оз. Мени Равшан Комилов бўлиб халққа танитган композитор Султонали Раҳматов. 1987-1988 йиллар ижодни бошлаган бўлсак, анча йил бирга ижод қилдик. Султоналининг ўзига яраша гап-сўзидан, дунёқарашидан ҳайратдаман. Композиторлар ичида ўз фикрига эга, меҳр қўйган, фидоий композиторлардан. Тадбиркор бўладими, санъаткор бўладими қайси соҳа эгаси бўлишидан қатъий назар диди, ижоди бир-бирига тушиши керак. Султонали Раҳматовнинг ҳеч кимга ўхшамаган йўналиши бор. Биз ўша даврда бирга ижод қилардик. Биз халқ хизматларида, концертларда бирга ижод қилганмиз. Султонали Раҳматов билан не-не қийинчиликларни кўрмадик . Ҳаттоки, альбом чиқариш учун пулимиз бўлмаган. Қўшиқ ёзиш учун машинамни сотганман. Шу қўшиқни халққа етказишимиз керак. Султонали билан ижод қилиб чиқарган альбомларимизни мухлисларимиз ардоқлашади», — дейди хонанда.