Хонанда, актриса Дилфуза Исмоилова YouTube’даги «Chotki TV» лойиҳасига берган интервьюсида бу йил мухлислари учун концерт беришини ҳақида айтди.

Унинг сўзларига кўра, хонанда концерт беришни ёқтирмайди. Бироқ мухлислари сўраётгани учун бу йил концерт беришини айтди. Дилфуза Исмоилова тайёргарлик кўришни бошлаганини таъкидлади. Шунингдек, у «Ўзимники бўлгин» номли янги қўшиғини мухлислари эътиборига ҳавола этишини айтди.

«Мен концерт беришни унча ёқтирмайман. Лекин мухлисларим кўп сўраяпти. Аҳмад, Тоҳир ва Наргиза Латипова билан концертга тайёргарлик кўришни бошладик. Наргизанинг идеаларига гап бўлиши мумкинмас. Мен у қиздан 5-6 та қўшиқ олдим. Яқинда ʼЎзимники бўлгинʼ деган қўшиғимни эшитасиз. Бу йил насиб бўлса, концерт бераман», — дейди у.