Актёр Умид Искандаров YouTube’даги «Mirsodiqova bilan» лойиҳасига берган интервьюсида отаси унга иккинчи хотин обермоқчи бўлгани ҳақида гапирди.

Умид Искандаров рафиқаси Рената Искандарова билан бир неча йил давомида фарзандли бўла олмаган. Отаси уларнинг иккаласида ҳам айб йўқлиги учун бола асраб олишга қаршилик қилган. Шунинг учун отаси актёрга иккинчи хотин олишни таклиф қилган. Бироқ Умид Искандаров бу таклифга собиқ турмуш ўртоғи рози бўлмаганини айтди.

«Отам ‘Бу боланинг ота-онаси кимлигини билмайсан. Мен ҳозир олма демоқчи эмасман. Мен ота-бобомни яхши танийман. Ҳаммада яхшику. Яна уйлан. Сенга бу нарса қийинмаску. Агар сен айбдор бўлганингда мен рози бўлардим. Келин рози бўлса, яна бир марта уйлантириб қўйсин. Биз уни кетсин демаяпмиз. Биз шунчаки невара хоҳлаяпмизʼ, деди. Қайси хотин бошқа аёл олиб беради? Ундай аёл йўқку. Туғилгандан шундай тарбияланган бўлса, бошқа гап. Она тушунтириши керак. Шу фикр билан ўсиб келса, бўлиши мумкин. Менинг бобомда ҳам, отамда ҳам шундай бўлган. Мен шу саволни хотинимга берганимда, у бу нарсани кўтара олмади», — дейди у.

Эслатиб ўтамиз, аввалроқ Умид Искандаров қачон уйланишини айтганди. Шунингдек, актёр рафиқаси билан ажрашишига нима сабаб бўлганини айтгани ҳақида хабар берилганди.