«Эркакнинг ишини қилмади». Умидахон Ҳожиакбар Ҳайдаровга «ответ» қайтарди

Хонанда Умидахон YouTube’даги «Chotki Tv» лойиҳасига берган интервьюсида Ҳожиакбар Ҳайдаров «Алдама мени» кўрсатувида айтган гаплари эркак кишига тўғри келмаслигини айтди.

Унинг сўзларига кўра, Ҳожиакбар Ҳайдаров билан яқиндан таниш эмас. Лекин, «Алдама мени» лойиҳасига берган интервьюсидан сўнг унга нисбатан ҳурмати йўқолганини, эркакнинг ишини қилмаганини таъкидлаган.

«Мен шу нарсани яқинда эшитиб қолдим. ‘Менинг олдимга дуэт қилайлик деб келган. Мен йўқ деганманʼ дебди. У йигит ёмон кўрадиган одамларини ичида мени ҳам гапирган экан. Тўғрисини айтсам, мен у билан яқиндан таниш ҳам эмасман. Мен ҳайрон бўлдим. Битта гап билан айтганда бу бола у ёққа чиқиб олиб, эркакни ишини қилмабди. Ортиқча гапим йўқ. Бу нарсани эшитиб ҳайратда қолдим. Мен олдига бориб, дуэт айтайлик деган эканман. У йўқ деган экан. Бу умуман бўлмаган нарсани олиб чиқиб пиар қилган», — дейди хонанда.

Шунингдек, у «Юлдузим» қўшиғини Нуриддин Ҳайдаровнинг оила аъзоларидан рухсат сўраб, кейин куйлаганини таъкидлади. Умидахон Ҳожиакбар Ҳайдаров билан битта катта концертда шу қўшиқнинг авжини айтиш бўйича талашиб қолганини айтди.

«Мен бундай нарсани билмайман. Умуман хабарим ҳам йўқ. ‘Энди кимга юлдузсан, жоним’ қўшиғи рухсат сўралиб айтилган қўшиқ. Нуриддин Ҳайдаровнинг оила аъзоларидан сўраб айтилган. Бир неча йил олдин катта концерт бўлган. Нуриддин Ҳайдаровнинг ўғли билан шу қўшиқни дуэт қилиб айтасизлар дейилган. Ана ўшанда бу бола мен билан авжини талашган. Эркак бўлса, гапирсин. Мен уни қачон ижро қилган эканман. Мард инсон бўлса, телевидениега чиқиб орқамдан гапирмайдику, олдимга келиб ўзимга гапирмайдими. Бу бола ўзининг номига, оиласига тўғри келадиган иш қилмабди», — дейди у.

Мавзуга доир: Ҳожиакбар Ҳайдаров Умидахон унга бўҳтон қилгани ҳақида айтиб берди

Эслатиб ўтамиз, аввалроқ Ҳожиакбар Ҳайдаров ўзига ёқмайдиган беш нафар хонандани айтгани ҳақида хабар берилганди. Улар орасида Умидахон ҳам бўлган.

Шунингдек, Умидахон овсинли бўлгани, хонанда синглисининг туғилган кунида унга сюрприз тайёрлагани, Умидахон вафот этган фарзанди ҳақида гапиргани, у ўғлига ўзбек эстрадасидаги қайси санъаткорга ўхшаган қизни келин қилишини айтгани ҳақида маълум қилинганди.