Сўз устаси, актёр Аваз Охун устози, Ўзбекистонда хизмат кўрсатган артист Ҳожибой Тожибоев билан боғлиқ миш-мишлар ҳақида гапирди.

Унинг сўзларига кўра, Ҳожибой Тожибоев касал бўлган. Аваз Охун Ҳожибой Тожибоевни концертдаги ҳазили учун калтаклангани ҳақидаги гаплар ғийбатлигини таъкидлади.

«Ҳожибой Тожибоевни концертдаги ҳазили учун уришган экан, ‘подвал’га олиб киришган экан, деган гапларни менга ҳам айтишади. Ҳожибой ака ўзи касал эди, мазаси йўқ эди. Охирги концертларида қалин жемферлар кийиб, концерт берган. ‘Устоз, жемферингизни ечиб қўймайсизмиʼ, деганимда ‘Менга соғлиғим керак, боламʼ, деб саҳнага чиқиб кетгани эсимда. Соғлиғи яхши эмас эди. Одамлар гапираверади. Ўлмаган одамни, ўлмаган санъаткорни ўлибди, дейишадику. Бу ҳаммаси ғийбат», — дейди актёр.

Эслатиб ўтамиз, аввалроқ Аваз Охун ҳазил қиламан деб, ҳокимни хафа қилгани ҳақида хабар берилганди.